ਪਹਿਲਾਂ 60 ਸੀਟਾਂ ਲੈ ਕੇ ਤਾਂ ਦਿਖਾਉਣ…. ਸੀਐਮ ਮਾਨ ਦਾ ਮੁਕੇਰੀਆਂ ਤੋਂ ਅਕਾਲੀ ਦਲ ਅਤੇ ਕਾਂਗਰਸ ‘ਤੇ ਨਿਸ਼ਾਨਾ
CM Bhagwant Mann in Mukerian: ਮੁਕੇਰੀਆਂ ਵਿੱਚ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਰੈਲੀ ਨੂੰ ਸੰਬੋਧਿਤ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਜਿੱਥੇ ਵਿਰੋਧੀਆਂ ਤੇ ਤਿੱਖੇ ਨਿਸ਼ਾਨੇ ਲਾਏ ਤਾਂ ਉੱਥੇ ਹੀ ਆਪ ਸਰਕਾਰ ਵੱਲੋਂ ਦਿੱਤੀਆਂ ਜਾ ਰਹੀਆਂ ਸਕੀਮਾਂ ਬਾਰੇ ਵੀ ਦੱਸਿਆ। ਨਾਲ ਹੀ ਉਨ੍ਹਾਂ ਨੇ ਬੇਅਦਬੀ ਕਾਨੂੰਨ ਨੂੰ ਲੈ ਕੇ ਵੀ ਸੁਖਬੀਰ ਬਾਦਲ ਅਤੇ ਬਿਕਰਮ ਮਜੀਠਿਆਂ ਨੂੰ ਸਿੱਧੇ ਹੱਥੀ ਲਿਆ।
ਮੁੱਖ ਮੰਤਰੀ ਭਗਵੰਤ ਮਾਨ ਬੁੱਧਵਾਰ ਨੂੰ ਮੁਕੇਰੀਆਂ ਪਹੁੰਚੇ। ਇੱਕ ਰੈਲੀ ਨੂੰ ਸੰਬੋਧਨ ਕਰਦਿਆਂ ਮਾਨ ਨੇ ਕਿਹਾ ਕਿ ਅਕਾਲੀ ਦਲ ਅੱਜ ਬੇਅਦਬੀ ਕਾਨੂੰਨ ਦਾ ਵਿਰੋਧ ਕਰ ਰਿਹਾ ਹੈ, ਪਰ ਉਨ੍ਹਾਂ ਨੂੰ ਪਹਿਲਾਂ ਇਹ ਦੱਸਣਾ ਚਾਹੀਦਾ ਹੈ ਕਿ ਉਨ੍ਹਾਂ ਨੇ ਪੰਜ ਵਾਰ ਮੁੱਖ ਮੰਤਰੀ ਰਹਿੰਦਿਆਂ ਅਜਿਹਾ ਕਾਨੂੰਨ ਕਿਉਂ ਨਹੀਂ ਬਣਾਇਆ। ਉਨ੍ਹਾਂ ਕਿਹਾ ਕਿ 5 ਵਾਰ ਬਾਦਲ ਸਾਹਿਬ ਮੁੱਖ ਮੰਤਰੀ ਰਹੇ, 25 ਸਾਲ ਕਾਂਗਰਸ ਨੇ ਰਾਜ ਕੀਤਾ, ਪਰ ਕਿਸੇ ਨੇ ਵੀ ਅਜਿਹਾ ਕਾਨੂੰਨ ਨਹੀਂ ਬਣਾਇਆ। ਉਨ੍ਹਾਂ ਕਿਹਾ ਕਿ ਹੁਣ ਇਹ ਸਾਡੇ ਬਣਾਏ ਕਾਨੂੰਨ ਤੇ ਉਂਗਲਾਂ ਚੁੱਕਦੇ ਹਨ। ਪਹਿਲਾਂ ਕਾਨੂੰਨ ਨਾ ਹੋਣ ਕਰਕੇ ਆਰੋਪੀ ਆਸਾਨੀ ਨਾਲ ਬੱਚ ਜਾਂਦਾ ਸੀ, ਪਰ ਹੁਣ ਜਿਨ੍ਹੇਂ ਵੀ ਅਜਿਹਾ ਕੀਤਾ, ਉਸਨੂੰ ਸਿੱਧਾ ਉਮਰ ਕੈਦ ਹੋਵੇਗੀ।
ਮਾਨ ਨੇ ਕਿਹਾ ਕਿ ਜੇਕਰ ਕਾਂਗਰਸ, ਭਾਜਪਾ ਜਾਂ ਅਕਾਲੀ ਦਲ ਸੱਤਾ ਵਿੱਚ ਆਉਂਦੇ ਹਨ, ਤਾਂ ਉਹ ਪਹਿਲਾਂ ਪੰਜਾਬ ਦੇ ਵਸਨੀਕਾਂ ਨੂੰ ਮਿਲਣ ਵਾਲੀਆਂ ਸਾਰੀਆਂ ਸਹੂਲਤਾਂ ਬੰਦ ਕਰ ਦੇਣਗੇ। ਉਨ੍ਹਾਂ ਕਿਹਾ ਕਿ ਵਿਰੋਧੀ ਧਿਰ ਮੁੱਖ ਮੰਤਰੀ ਬਣਨ ਦੇ ਦਾਅਵੇ ਕਰ ਰਹੀ ਹੈ, ਪਰ ਪਹਿਲਾਂ ਉਨ੍ਹਾਂ ਨੂੰ ਉਹ 60 ਸੀਟਾਂ ਤਾਂ ਜਿੱਤ ਕੇ ਵਿਖਾਉਣ। ਉਨ੍ਹਾਂ ਨੂੰ ਇੰਨੀਆਂ ਸੀਟਾਂ ਕਿੱਥੋਂ ਮਿਲਣਗੀਆਂ?
ਬੇਅਦਬੀਆਂ ਰੋਕਣ ਲਈ ਵਿਰੋਧੀਆਂ ਨੇ ਆਪਣੇ ਸਮੇਂ ਕੁਝ ਨਹੀਂ ਕੀਤਾ, ਹੁਣ ਜਦੋਂ ਆਮ ਘਰਾਂ ਦੇ ਧੀਆਂ-ਪੁੱਤਾਂ ਨੇ ਬੇਅਦਬੀ ਖ਼ਿਲਾਫ਼ ਸਖ਼ਤ ਕਨੂੰਨ ਬਣਾ ਦਿੱਤਾ ਤਾਂ ਉਸਦਾ ਵਿਰੋਧ ਕਰ ਰਹੇ ਨੇ।
-CM @BhagwantMann pic.twitter.com/tSSKLsDJpn — AAP Punjab (@AAPPunjab) July 15, 2026
ਸੀਐਮ ਮਾਨ ਨੇ ਰਗੜੇ ਕਾਂਗਰਸੀ
ਮੁੱਖ ਮੰਤਰੀ ਨੇ ਕਿਹਾ ਕਿ ਕਾਂਗਰਸ ਵਿੱਚ ਕਿਸੇ ਵੀ ਲੀਡਰ ਦੀ ਕਿਸੇ ਨਾਲ ਵੀ ਨਹੀਂ ਬਣਦੀ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਆਮ ਆਦਮੀ ਪਾਰਟੀ ਨੂੰ ਇਨ੍ਹੀਆਂ ਸੀਟਾਂ ਦਿਵਾ ਦਿਓ ਕਿ ਇਹ ਇਸ ਜੋਗੇ ਹੀ ਨਾ ਰਹਿਣ ਕਿ ਕੁਰਸੀ ਨੂੰ ਲੈ ਕੇ ਕੋਈ ਝਗੜਾ ਕਰ ਸਕਣ। ਉਨ੍ਹਾਂ ਕਿਹਾ ਕਿ ਰਾਹੁਲ ਗਾਂਧੀ ਕਹਿ ਰਹੇ ਹਨ ਕਿ ਉਹ ਸਾਰੇ ਕਾਂਗਰਸੀ ਮੈਂਬਰਾਂ ਨੂੰ ਇੱਕ ਹੀ ਬੱਸ ਵਿੱਚ ਬਿਠਾ ਕੇ ਪੰਜਾਬ ਦੀ ਯਾਤਰਾ ਕਰਨਗੇ। ਇਹ ਲੋਕ ਇਕੱਠੇ ਬੱਸ ਵਿੱਚ ਚੜ੍ਹਨਗੇ ਪਰ ਲੜਨ ਤੋਂ ਬਾਅਦ ਹੀ ਉਤਰਨਗੇ। ਹਰ ਕਿਸੇ ਦੀ ਪੱਗ ਆਪੋ-ਆਪਣੇ ਹੱਥਾਂ ਵਿੱਚ ਹੋਣਗੀਆਂ। ਕਿਸੇ ਦਾ ਨੱਕ ਰਗੜਿਆ ਹੋਵੇਗਾ ਤਾਂ ਕਿਸੇ ਦਾ ਮੱਥਾ ਫੁੱਟਿਆ ਹੋਵੇਗਾ। ਇਸ ਲਈ ਇਨ੍ਹਾਂ ਨੂੰ ਇਕਲਿਆਂ ਨਾ ਚੜਾਓ, ਕੋਈ ਇਨ੍ਹਾਂ ਨੂੰ ਛੁਡਾਉਣ ਲਈ ਵੀ ਜਰੂਰ ਚੜ੍ਹਾਉਣਾ।
ਇਹ ਵੀ ਪੜ੍ਹੋ
ਪਿੰਡ ਬੱਝਿਆ ਨਹੀਂ, ਮੰਗਤੇ ਪਹਿਲਾਂ ਆ ਗਏ !!
ਹਲਕਾ ਮੁਕੇਰੀਆਂ ਦੇ ਪਿੰਡ ਖਿਚੀਆਂ ਵਿਖੇ CM ਮਾਨ ਨੇ ਰਗੜੇ ਕਾਂਗਰਸੀ, ਅੰਦਰੂਨੀ ਕਾਟੋ-ਕਲੇਸ਼ ਤੇ ਕੱਸੇ ਤਿੱਖੇ ਤੰਜ pic.twitter.com/zvf71VtMGb — AAP Punjab (@AAPPunjab) July 15, 2026
1 ਅਗਸਤ ਨੂੰ ਮੁੜ ਹੋਵੇਗੀ ਟੂੰ-ਟੂੰ
ਮੁੱਖ ਮੰਤਰੀ ਨੇ ਮਾਵਾਂ-ਧੀਆਂ ਸਤਿਕਾਰ ਯੋਜਨਾ ਬਾਰੇ ਦੱਸਦਿਆਂ ਕਿਹਾ ਕਿ ਹੁਣ ਆਉਂਦੀ 1 ਅਗਸਤ ਨੂੰ ਮੁੜ ਤੋਂ ਟੂੰ-ਟੂੰ ਹੋਵੇਗੀ ਅਤੇ ਮਾਵਾਂ-ਧੀਆਂ ਦੇ ਖਾਤਿਆਂ ਵਿੱਚ 3 ਮਹੀਨਿਆਂ ਦੀ ਕਿਸ਼ਤ ਆਵੇਗਾ। ਉਨ੍ਹਾਂ ਕਿਹਾ ਆਮ ਆਦਮੀ ਪਾਰਟੀ ਨੇ ਆਪਣਾ ਵਾਅਦਾ ਪੂਰਾ ਕਰਦਿਆਂ ਮਾਵਾਂ-ਭੈਣਾਂ ਨੂੰ ਪੈਸੇ ਦੇਣੇ ਸ਼ੁਰੂ ਕਰ ਦਿੱਤੇ ਹਨ। ਉਨ੍ਹਾਂ ਕਿਹਾ ਜਦੋਂ ਤੱਕ ਆਮ ਆਦਮੀ ਪਾਰਟੀ ਦੀ ਸਰਕਾਰ ਰਹੇਗੀ, ਇਹ ਸਕੀਮ ਚੱਲਦੀ ਰਹੇਗੀ। ਪਿਛਲੇ ਮਹੀਨੇ 32 ਲੱਖ ਮਾਵਾਂ-ਭੈਣਾਂ ਦੇ ਖਾਤੇ ਵਿੱਚ 3 ਮਹੀਨਿਆਂ ਦੇ ਪੈਸੇ ਗਏ ਹਨ ਤੇ ਹੁਣ 1 ਅਗਸਤ ਨੂੰ ਮੁੜ ਤੋਂ ਟੂੰ-ਟੂੰ ਹੋਵੇਗੀ ਅਤੇ ਤਿੰਨ ਮਹੀਨਿਆਂ ਦੇ ਪੈਸੇ ਆਉਣਗੇ।
ਬੜੀ ਸਫ਼ਲਤਾ ਅਤੇ ਖ਼ੁਸ਼ੀਆਂ ਨਾਲ਼ ਪੂਰਾ ਹੋਇਆ ਮਾਵਾਂ ਭੈਣਾਂ ਨੂੰ ਸਤਿਕਾਰ ਰਾਸ਼ੀ ਦੇਣ ਵਾਲ਼ਾ ਵਾਅਦਾ!
ਹਲਕਾ ਮੁਕੇਰੀਆਂ ਦੇ ਪਿੰਡ ਖਿਚੀਆਂ ਵਿਖੇ ਆਯੋਜਿਤ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਬੋਲੇ CM @BhagwantMann ? ਨਵੀਂ ਰਜਿਸਟ੍ਰੇਸ਼ਨ ਕਰਵਾਉਣ ਵਾਲ਼ੀਆਂ ਮਾਵਾਂ ਭੈਣਾਂ ਨੂੰ 1 ਅਗਸਤ ਤੋਂ ਆਵੇਗੀ ਸਨਮਾਨ ਰਾਸ਼ੀ ? ਸਭ ਨੂੰ ਜੁਲਾਈ ਤੋਂ ਹੀ pic.twitter.com/mVZDAXPhQn — AAP Punjab (@AAPPunjab) July 15, 2026
ਸੁਖਬੀਰ-ਮਜੀਠਿਆਂ ਤੇ ਲਾਏ ਨਿਸ਼ਾਨੇ
ਮੁਖ ਮੰਤਰੀ ਨੇ ਅਕਾਲੀ ਦਲ ਦੇ ਆਗੂ ਸੁਖਬੀਰ ਬਾਦਲ ਅਤੇ ਬਿਕਰਮ ਮਜੀਠਿਆ ਤੇ ਤਿੱਖੇ ਨਿਸ਼ਾਨੇ ਲਗਾਉਂਦਿਆਂ ਕਿਹਾ ਕਿ ਹੁਣ ਇਨ੍ਹਾਂ ਦੋਵਾਂ ਦੀਆਂ ਰਾਜ ਕਰਨ ਦੀ ਵਾਰੀ ਨਹੀਂ, ਸਗੋਂ ਜੇਲ੍ਹ ਜਾਣ ਦੀ ਵਾਰੀ ਆਵੇਗੀ। ਜਿਹੜੀਆਂ ਗੁਰੂ ਸਾਹਿਬ ਦੀਆਂ ਬੇਅਦਬੀਆਂ ਕਰਵਾਈਆਂ ਹਨ, ਉਸਤੋਂ ਇਹ ਬੱਚ ਨਹੀਂ ਸਕਦੇ। ਪਹਿਲਾਂ ਆਪਣੀ ਸਰਕਾਰ ਅਤੇ ਫੇਰ ਕੈਪਟਨ ਦੀ ਸਰਕਾਰ ਵੇਲ੍ਹੇ ਇਨ੍ਹਾਂ ਨੇ ਇਸ ਤੇ ਕਾਰਵਾਈ ਨਹੀਂ ਹੋਣ ਦਿੱਤੀ, ਪਰ ਹੁਣ ਇਹ ਲੋਕ ਬੱਚ ਨਹੀਂ ਸਕਣਗੇ। ਅਸੀਂ ਇਨ੍ਹਾਂ ਨੂੰ ਸਜਾ ਜਰੂਰ ਦੁਆਵਾਂਗੇ।
ਆਪਣੀ ਵਾਰੀ ਲਈ ਤੜਫ਼ਦੇ ਸੁਖਬੀਰ ਬਾਦਲ ਨੂੰ CM @BhagwantMann ਦੀ ਦੋ-ਟੁੱਕ!
ਰਾਜ ਕਰਨ ਦੀ ਨਹੀਂ ਬਲਕਿ ਹੁਣ ਸੁਖਬੀਰ ਬਾਦਲ ਤੇ ਬਿਕਰਮ ਮਜੀਠੀਆ ਦੀ ਆਵੇਗੀ ਜੇਲ੍ਹ ਜਾਣ ਦੀ ਵਾਰੀ, ਬੇਅਦਬੀ ਮਾਮਲਿਆਂ ‘ਚ ਬਚ ਨਹੀਂ ਸਕਣਗੇ pic.twitter.com/FTIFOgeGX5 — AAP Punjab (@AAPPunjab) July 15, 2026
ਮੁਕੇਰੀਆਂ ਵਿੱਚ ਜ਼ਮੀਨ ਦੀ ਅਪੀਲ ਕਰਦੇ ਹੋਏ, ਮਾਨ ਨੇ ਵਾਅਦਾ ਕੀਤਾ ਕਿ ਜੇਕਰ ਜ਼ਮੀਨ ਉਪਲਬਧ ਹੁੰਦੀ ਹੈ ਤਾਂ ਉਹ ਅਤਿ-ਆਧੁਨਿਕ ਸਹੂਲਤਾਂ ਨਾਲ ਲੈਸ ਇੱਕ ਸਰਕਾਰੀ ਕਾਲਜ ਬਣਾਉਣਗੇ।ਮੁੱਖ ਮੰਤਰੀ ਨੇ ਕਿਹਾ ਕਿ ਹਾਜੀਪੁਰ ਅਤੇ ਮੁਕੇਰੀਆਂ ਦੇ ਹਸਪਤਾਲਾਂ ਨੂੰ ਅਤਿ-ਆਧੁਨਿਕ ਸਹੂਲਤਾਂ ਨਾਲ ਅਪਗ੍ਰੇਡ ਕੀਤਾ ਜਾਵੇਗਾ।
